新年講咩野恭賀十二星座
本文來自：☆夜玥論壇ק★http://ds-hk.net★ 轉帖請註明出處！ 發貼者：
ceci~敏 您是第1420個瀏覽者
新年流流，用咩說話恭喜咩星座人逗得人家最滿意呢？
白羊座
樣樣都要最醒，樣樣都要威，對呢D叻人就梗係祝佢「百尺竿頭，更進一步」啦！
金牛座
金牛座人最重視享受，響香港要享受就梗係要錢啦！咁咪祝佢「財源廣進」囉！
雙子座
雙子座乜都鍾意乜都想要，要令佢滿意真係得一句，咪就係「心想事成」！
巨蟹座
巨蟹座人出晒名注重家庭生活就鍾意柄響屋企，祝佢「家肥屋潤」就最合佢心意！
獅子座
唔講可能冇留意其實獅子座人好關心細路仔同老人家，送句「老少平安」啦！
處女座
處女座人除鍾意錢之外都好重視身體健康，所以好簡單，就祝佢「身體健康」！
天秤座
係人都知天秤座就最貪靚，無論男女送句「青春常駐」就最合佢心意！
天蠍座
天蠍座人野心勃勃，不斷要向前，唔駛諗祝佢「今年勝舊年」就得！
人馬座
人馬座最鍾意四圍玩但又好論盡，所以送句「出入平安」畀佢就最合用！
山羊座
唔駛特別用咩心思，以佢咁重視自己地位同事業，祝佢「步步高升」啦！
水瓶座
同佢拜年就最冇所謂，佢唔會認為你祝佢咩就會成真，所以講句「新年快樂」就得！
雙魚座
唔知點解好多雙魚座都好鍾意打麻雀，所以祝佢「橫財就手」就最合用！
